నిబంధనలు మరియు షరతులు(Terms and Conditions) – Warangal Property Hub

1. సేవల ఉద్దేశం (Purpose of Services)

వరంగల్, హన్మకొండ, కాజీపేట (ట్రై-సిటీస్) పరిధిలో ప్రాపర్టీల కొనుగోళ్లు మరియు అమ్మకాలకు సంబంధించిన నమ్మకమైన సేవలను అందించడమే 'ప్రాపర్టీ హబ్' ముఖ్య ఉద్దేశం. మా వెబ్‌సైట్‌లో ఉంచిన సమాచారమంతా కేవలం కస్టమర్ల ప్రాథమిక అవగాహన మరియు సమాచారం కోసం మాత్రమే.

2. రియల్ ఎస్టేట్ కన్సల్టెన్సీ / సర్వీస్ చార్జీలు

మా ద్వారా జరిగే ప్రతి డీల్‌లోనూ, ప్రాపర్టీ కొనుగోలుదారులు మరియు అమ్మకందారులు మా అడ్వైజరీ చార్జీలు / సర్వీస్ చార్జీలు / కన్సల్టెన్సీ ఫీజును పూర్తిగా చెల్లించాల్సి ఉంటుంది. మా చార్జీల వివరాలు కింది విధంగా ఉంటాయి:

• ఆస్తి విలువ రూ. 1.5 కోట్ల కంటే తక్కువ ఉంటే: 2% సర్వీస్ చార్జ్ వర్తిస్తుంది.
• ఆస్తి విలువ రూ. 1.5 కోట్ల కంటే ఎక్కువ ఉంటే: 1% సర్వీస్ చార్జ్ వర్తిస్తుంది.

చెల్లింపు పద్ధతి: మా మొత్తం సర్వీస్ చార్జీలలో 50% మొత్తాన్ని 'అగ్రిమెంట్ ఆఫ్ సేల్' (Agreement of Sale) సమయంలో, మిగిలిన 50% మొత్తాన్ని రిజిస్ట్రేషన్‌కు ముందే చెల్లించాల్సి ఉంటుంది.

ముఖ్య గమనిక: మేము ఒక ప్రాపర్టీని లేదా కస్టమర్‌ని పరిచయం చేసిన తర్వాత, మాకు తెలియకుండా మీరు నేరుగా సదరు కస్టమర్‌తో గానీ లేదా థర్డ్ పార్టీ ద్వారా గానీ ఒప్పందం చేసుకున్నా కూడా మా సర్వీస్ చార్జీలను పూర్తిగా చెల్లించాల్సిందే. అలాగే, మేము చూపించిన ప్రాపర్టీని మీ పేరు మీద కాకుండా, మీ స్నేహితులు లేదా కుటుంబ సభ్యుల పేరు మీద రిజిస్ట్రేషన్ చేయించినా సరే, మాకు రావాల్సిన కన్సల్టెన్సీ ఫీజును మీరు తప్పకుండా చెల్లించవలసి ఉంటుంది.

3. డైరెక్ట్ డీలింగ్స్ చేయకూడదు (No Direct Contracts)

మా ద్వారా పరిచయమైన బయ్యర్స్ లేదా ప్రాపర్టీ ఓనర్లతో మా అనుమతి లేకుండా ఎలాంటి ముందస్తు ఒప్పందాలు చేసుకోకూడదు. ఒకవేళ అలా చేస్తే, మా కంపెనీకి చెల్లించాల్సిన అడ్వైజరీ చార్జీలను మీరే భరించాల్సి ఉంటుంది. ఇది మా నిబంధనలకు పూర్తిగా విరుద్ధం మరియు దీనివల్ల చట్టపరమైన చర్యలు (Legal Action) తీసుకునే అవకాశం ఉంటుంది.

4. సమాచారం యొక్క ఖచ్చితత్వం (Accuracy of Information)

వెబ్‌సైట్‌లో ఉంచిన ప్రాపర్టీల వివరాలన్నీ వాటి యజమానులు (Owners) ఇచ్చిన సమాచారం ఆధారంగానే ఉంటాయి. మేము ఆ వివరాలను పరిశీలించి వెబ్‌సైట్‌లో పోస్ట్ చేసినప్పటికీ, వాటి ఖచ్చితత్వానికి మాది పూర్తి గ్యారెంటీ కాదు. కొనే ముందు లీగల్ గా చెక్ చేసుకోవడం కస్టమర్ల బాధ్యత.

5. ప్రకటనలు & ప్రమోషన్స్ (Advertisements)

మీ ప్రాపర్టీలను త్వరగా అమ్మడం కోసం వాటి ఫోటోలు మరియు పూర్తి వివరాలను మా వెబ్‌సైట్‌తో పాటు ఇతర సోషల్ మీడియా ప్లాట్‌ఫారమ్స్‌లో కూడా పోస్ట్ చేయడం జరుగుతుంది. మీకు ఇలా ప్రమోట్ చేయడం ఇష్టం లేకపోతే, వెంటనే మాకు తెలియజేయగలరు.

అలాగే, మా వెబ్‌సైట్‌లో కొన్ని థర్డ్ పార్టీ ప్రాపర్టీస్ లేదా అడ్వర్టైజ్‌మెంట్ లింకులు ఉండవచ్చు. వాటి ద్వారా మీరు చేసే ఎలాంటి లావాదేవీలకైనా మీదే పూర్తి బాధ్యత. అందులో జరిగే నష్టాలకు వెబ్‌సైట్ యాజమాన్యానికి ఎలాంటి సంబంధం ఉండదు.

6. కాపీరైట్ హక్కులు (Copyrights)

ఈ వెబ్‌సైట్‌లోని టెక్స్ట్, ఫోటోలు, లోగోలు మరియు డిజైన్లు అన్నీ 'Warangal Property Hub' కే సొంతం. మా అనుమతి లేకుండా ఇందులో ఉన్న ఏ సమాచారాన్ని కాపీ చేసినా లేదా ఇతర చోట్ల వాడినా చట్టరీత్యా చర్య తీసుకోబడును.

7. నిబంధనల మార్పు (Right to Change Terms)

పరిస్థితులను బట్టి 'Warangal Property Hub' తన నిబంధనలను మరియు షరతులను ఎప్పుడైనా, ముందస్తు సమాచారం లేకుండా మార్చే హక్కును కలిగి ఉంది.